பெருநெறி படிகள்

PATH TO
IMMORTAl LIFE

பெருநெறி வாழ்வின் படிகள்

நாம் பெறும் புருஷார்த்தம் நான்கு! அவையாவன

#01. சாகாக்கல்வி
#02. ஏமசித்தி
#03. தத்துவ நிக்கிரகம்
#04. கடவுள் நிலை அறிந்து அம்மயமாதல்

சாகாக்கல்வி

மாயை கலப்பு உடையவர்கள் (Matrix Minded /Materialistic Persons)
எழுதிய உலக நூல்களை படிக்காதிருத்தல்!
வேதங்கள், இதிகாசங்கள், புராணங்களை அப்படியே ஏற்காமல்!
அதற்கு பின்னால் உள்ள இரகசியங்களை ஆராய்தல்!
சாகாக்கல்வியை கூறும் அருளாளர்கள் (Higher Souls) அருளிய
மெய்ஞ்ஞான நூல்களை
ஊன்றி படித்தல்! பிறகு அதன்படி நிற்றல்!
அவையாவன : திருவருட்பா, திருமந்திரம், திருக்குறள், திருவாசகம்

ஏமசித்தி

ஏமம் என்றால் தங்கம் (உறுதியாக்குதல்)
(தங்கம் உறுதியான உலோகம்)
நினைத்தது நினைத்தப்படி செய்து முடித்தால் அதற்கு பெயர் சித்தி (எ:கா)
“காரியம் சித்தியாயிற்று என்று கூறுவது வழக்கம்!”
ஏமசித்தி என்றால் பொன் செய்யும் வித்தை! அதாவது எந்த ஒரு
பொருளை கொடுத்தாலும் அந்த பொருளை அழியாது உறுதியாக்குதல் ஆகும்!
அதுபோல நம் உடம்பையும்
ஏம சித்தி (அழியாத உறுதிப் பொருள்) ஆக்க வேண்டும் என்று வள்ளலார் கூறுகிறார்!
அந்த உறுதியான சுத்ததேகத்தை பரோபகாரம், சத்விச்சாரம் மூலமே பெற வேண்டும்!
வேறு வழியில் கூடாது என்றும் கூறுகிறார்!
(~~யோகம், தவம், மூலிகை, மணி, மந்திரம், ஔஷதி மூலம் அல்ல~~)
அருட்பெருஞ்ஜோதி மகாமந்திர தொடர் நாம ஜபம் இதுக்கு உதவும்!

தத்துவ நிக்கிரகம்

தத்துவங்கள் என்றால் அது 36 தத்துவங்களை குறிக்கும்!
அதனை விரிக்கில் 96 தத்துவங்கள் ஆகும்!
நிக்கிரகம் என்றால் ஒழுங்கு செய்து நிற்க செய்தல்!
எப்படி கிரகங்கள் (Planets) எல்லாம் ஒரு ஒழுங்கில்
நின்று செயல்படுகிறதோ அப்படி!
இந்த தத்துவங்களின் செயற்பாடுகளை எல்லாம் நாம்
அறிந்து, ஆராய்ந்து, அடக்கி ஆட்படுத்தல் வேண்டும்!
இப்போது நமது தத்துவங்கள் எல்லாம் அதனதன் போக்கில் உள்ளது!
அதனை நமது கட்டுப்பாட்டில் கொண்டு வந்து, ஒழுங்கு செய்து
சத்துவமய மாக்க வேண்டும்! அதுவே தத்துவ நிக்கிரம் ஆகும்

கடவுள் நிலை அறிந்து அம்மயமாதல்

முடிவான ஆண்டவர் ஒருவரே உண்டு!
அவர் யார்? என்று அறிதல் வேண்டும்!
அவரின் தன்மை என்ன என்று அறிந்து நாமும் அவர் போல ஆக வேண்டும்!
எல்லா வல்ல அந்த ஏக இறைவன் பிறப்பு, இறப்பு என்னும் சுழற்சியில் சிக்குவது இல்லை!
அவர் அறிவு சொரூபமாக, தயவு வடிவமாக இருப்பதாலேயே
அவருக்கு எந்த துன்பமும் வருவது இல்லை!
அந்த விதியை அறிந்து நாமும் அவரை போல மாறுவதே!
நம்முடைய கடைசி புருஷார்த்தம் ஆகும்!
பிறப்பு, இறப்பு என்னும் இந்த துன்பச் சுழற்சியில் இருந்து முழுமையாக தப்பிக்க இது மட்டுமே ஒரே வழி!
~~வேறு உபாயம் இல்லை!~~